البوم متخافيش .... البوم التحدي والنجوميه والانطلاقه الحقيقيه لعمرو دياب

بسمـ الله الرحمنـ الرحيمـ

اول توبيك ليا بعد ما رجعت ووحشتوني والله

عمرو دياب ابتدي بالبوم ياطريق 1984


وكان في التوقيت ده كل حاجه صعبه علي شهره اي مطرب في الجيل الجديد لا كان فيه نت ولا في مواقع رسميه ولا كان فيه تصاميم وفوتووشوب ولا شركات كبيره زي عالم الفن وروتانا ولا كان في قنوات فضائيه زي مزيكا وروتانا وميلودي ولا كان فيه فيديو كليب خصوصا انه كان زمن العمالقه الناس متاثره بالفن الجميل وكان توقيتها ناس كتيره مسيطره علي الفن في الوطن العربي زي مياده الحناوي وورده وهاني شاكر وناس كتيره طبعا





ظهر مجموعه جديده من المطربين في التوقيت ده منهم شاب كان عليه العين وكان الكل مبهور بصوته واحساسه ومشاعره وهو بيغني ولكن كانوا بيستعجبوا بما يقدمه مش متعودين علي الاغاني اللي بيعملها الشاب ده شاب يدعي عمرو دياب كان الناس عاملين عليه علامه استفهام كبيره



لان ببساطه عمرو كان عايز يطور في الموسيقي وفي كل حاجه وكان عايز يوصل للناس فن جديد ويكتب اسمه في التاريخ وكان ثقته بنفسه بلا حدود بالرغم من الهجوم الشديد اللي اتعرضله عمرو في بداياته
عمرو في بداياته ياجماعه كانت الناس بتقول عليه مش مطرب لكن محدش كان ينكر ان صوته كان بياثر في نفوس كل اللي بيسمعه وكان صوته واحساسه وهو بيغني بيجبر الناس انهم يسمعوه




نزل البوم ياطريق وعمرو مكنش مشهور وقدر من اول البوم انه يكون له معجبين والالبوم ده نجح نجاح كبير اوي ياجماعه في التوقيت ده طبعا انا مش بتكلم من دماغي انا بتكلم عن الكتب والمجلات اللي قريتها عن عمرو دياب ومن بعده غني من قلبك

وبعده ومنين اجيب ناس وياحلوه وهلا هلا وخالصين وكل دي البومات اتعرض فيها عمرو لهجوم كبير اوي خصوصا تحركه ونشاطه علي المسرح اللي عمرو معودنا عليها لحد دلوقتي


وبعدين في سنه 1988 نزلت القنبله ونزلت الاغنيه اللي ليها الفضل في شهره عمرو في الوطن العربي كله بل بالعكس الاغنيه دي كسرت الدنيا في اوروبا اغنيه ميال




موسيقي جديده خالص علي كل اللي بيسمعوها وفي اوروبا رقصوا عليها في ساحات الرقص والاغنيه دي خلت كل الناس تقتنع ان عمرو انسان ناجح



ولكن اعداء النجاح مازالوا يهاجموا عمرو وعمرو كالعاده مردش عليهم وفي سنه 1989 نزل البوم شوقنا ونجح نجاح كبير اوي



وفي سنه 1990 نزل البوم متخافيش الالبوم اللي ثبت للكل ان عمرو دياب هو ملك جيله الجديد بجد بجد بجد ياجماعه الالبوم ده انا كل يوم اقسم بالله بسمعه 3 اربع مرات ومش بزهق منه البوم يدرس لاي واحد عايز يغني انا كل مااسمعه احبه اكتر واكتر وانا بعتبره من احب الالبومات علي قلبي ياجماعه انا لما بسمع الاغاني اللي فيه بعيط مش ممكن احساس عمرو في الالبوم ده مكنش طبيعي في الالبوم ده



الله يخليكي .... اكتر اغنيه في الالبوم بتاثر فيا وبتخليني اعيط خصوصا انها ماشيه علي ظروفي

اجمل مافيكي .. الموسيقي بتاعتها بهرت الدنيا ومافيها ومن عليها طبعا الناس متعوده علي موسيقي زمان فلما سمعوها قالوا المطرب ده جايلنا منين بالظبط انا لحد دلوقتي بسمع الاغنيه دي احس انها لسه نازله انبارح

متخافيش .... علي فكره عمرو غناها لمراته اللي طلقها وجاب منها خطيبتي نور اغنيه جميله جدا وطبعا مين فينا مايعرفش الاغنيه التاريخيه دي وعمرو كان ذكي اوي اوي في الاغنيه دي لو ركزتوا فيها هتحسوا ان عمرو دمج فيها بين القديم والحديث غني في بدايتها علي طريقه العندليب وبعدين قلب علي الطريقه الحديثه

زي الزمان دي اغنيه كلماتها عكس متخافيش تمام عمرو بيقول في متخافيش ده قدري ومكتوبي انتي لكن في زي الزمان قال لا هقول ده مقدر ولا مكتوب وده زكاء من عمرو برضه عشان يرضي الطرفين ههههه واغانيه تكون ماشيه علي حسب ظروف الحبايب واكتر حاجه عجباني في الاغنيه دي كلماتها تحفه وطبعا الموسيقي جديده كالعاده في التوقيت ده

مشغول رتمها كان سريع وبشكل جديد خالص لان عمرو دايما معودنا علي الجديد ولو تلاحظوا ان صوت عمرو نفسه اعلي من الموسيقي نفسها في الاغنيه عشان كلماتها تكون واضحه في الاغنيه كلمات فكرتها جديده خالص وكان عمرو بيغني فيها بقلبه

ونندم اقول ايه بس علي الاغنيه دي ياجماعه لو وصفتها بالقنبله مش هدي حقها انا مش هتكلم انا اسمعوها وتعالوا قولولي رايكم فيها خلوا بالكوا اي اغنيه حلوه لما تيجي تنزل بتكسر الدنيا مابالكم بكل الاغاني اللي نزلها عمرو طوال تاريخه

راح اقولك ايه موسيقتها من اروع ما يمكن وكان واضح فيالالبوم ده ان عمرو طور في الموسيقي بشكل كبير وباقي المطربين مشوا علي نهج عمرو الموسيقيه وبيستمدوا موسيقتهم من موسيقي عمرو واستفادوا بعمرو ورفعوا له الرايه البيضا بعد الالبوم القنبله ده عمرو في الاغنيه دي بيوصف حبيبته باحلي وصف وفي نفس الوقت محتار مش عارف يقول ايه ولا ايه ولا ايه

حبيتها كلماتها جميله جدا وكان واضح في الالبوم ان عمرو مكنش مركز في الموسيقي وبس لا ده كان كمان مركز في كلمات الالبوم عشان يقدر يسكت الحاقدين لعنهم الله ومايخليهومش يتكلموا في اي حاجه اصل ممكن يقولوا ان الموسيقي حلوه لكن كلمات الاغاني ضعيفه والله عمرو بعد الالبوم ده محدش قدر ينقده في اي حاجه لانه بجد البوم في وقت نزوله ابهر الكل واستطاع عمرو من الالبوم ده ان يثبت انه السوبر ستار




ياجماعه انا مهما ادي لعمرو حقه في الالبوم ده مش هقدر اديله حقه بس مش معناته اني بقلل من قيمه الالبومات التانيه لكن انا بتكلم عن الالبوم ده بشكل واضح واخص عشان الالبوم ده كان له الفضل الاساسي
في كل حاجه حتي عمرو شعبيته بقت كبيره جدا في الوطن العربي بعدىالبوم متخافيش وشوقنا وميال
ومن يمها عمرو هو السوبر ستار جيله ومن يومها عمرو كالقطار هناك من يركبون القطار وينزلون الا عمرو دياب لانه القطار نفسه





لكل جمهور مطربه من حقه ان يعبر عن رايه
ولكن نحن جمهور عمرو دياب نفرض اراءنا وبقوه
لان اسطورتنا اعطانا كل مفاتيح الاقناع بقوته الفنيه المبهره