سهرة فرح جامدة جدا مع تامر

بسم الله الرحمن الرحيم



ازيكم يا شباب يا حلوين

وحشينى اوى اوى اوى
و بقالى كتير اوى منزلتش اخبار ولا مقابلات مع تامر

لكن امبارح كان لقاءانا مع تامر بعد شوقة

كان واحشنا بجد اوى اوى اوى




عرفت ان تامر جى اسكندرية فى فرح بس مكنتش عارف فين الفرح
اتصلت بأهلاوى اوى ( سفيرنا البرنس طبعا )
و اتأكدت و برضه مكناش عارفين فين الفرح
روحت اشوف ايه الاخبار فى الفور سيزون ملقيتش اى حاجة تدل على ان فى فرح
و روحت البيت و قولت لأهلاوى ان شكله كده مفيش فرح النهاردة و قفلت معاه
و بعدها بنص ساعة لقيت أهلاوى بيتصل بيا و بيقولى
( يا محمد تامر جى هيلتون جرين بلازا يلا تعالى )
طبعا ما صدقت و روحت مكان الفرح و وقفت برة مستنى لما تامر ييجى
و اهلاوى طلع وقف معايا و مع وائل عبد الفتاح و هزرنا معاه شوية
برغم ان وائل كان مخنوق بس هزر معانا برضه



دخلت و لقيت اهلاوى كلمنى فى موضوع كده يخص تامر
بس موضوع ايه جامد جدا هتعرفوه قريب اوى اوى اوى



بعد كده لقينا تامر وصل و سلم علينا و طبعا اتفاجاء بينا
دخل على اغنية ( كل اللى فات ) بيغنيها لايف جامد جدا
و كل اللى فى الفرح رقصه على الاغينة و حيوه تحية جامدة جدا
بعد كده غنى كل مرة و يا بنت الأيه و يا تاعبنى و قولى بحبك و اغانى كتير جدا
و غنى اغنية ( يا بنت السلطان ) لأحمد عدوية و صوته كان جامد اوى فيها
و بعد كده غنى ( على قد الشوق - سواح - انا لك على طول ) للعندليب عبد الحليم
و كان احساس عالى اوى من تامر فى الأغنية دى + صوت جامد جدا
و غنى اغنية اوصفلك ( بناء على تلبية رغبة العريس )
بالمناسبة سبب ان العريس جاب تامر فى الفرح
( ان مرة العروسة و العريس قابلوا تامر و تامر غنى لهم
و العريس و عدها يوم ما هيتجوزوا هيجيب تامر يغنى فى الفرح )
العريس هو اللى قال كده فى المايك
" مش بقول حاجة من عندى "

بعد كده حصلت مشكلة معايا جوه الفرح
كنت هتخانق فيها قولت اعديها و خلاص و اخرج احسن
بعد كده لقيت اهلاوى بيتصل بيا و بيقولى انت فين
قولتله انا برة قالى ادخل قولتله لو دخلت ممكن اتعارك
قاللى طب خليك مكانك و انا طالع لك
و طلع و دخلنى معاه و قالى اهدى بس



شكرا يا معلم أهلاوى بجد مش عارف اقول لك ايه غير شكرا اوى اوى اوى
بسببك انت خليتنى ادخل تانى الفرح
و اى حد شايف نفسه و يقول انه هو اللى دخلنى الفرح غير اهلاوى
يورينى نفسه



بعد كده تامر خلص الفقرة بتاعته و و احنا خارجين
طبعا مش قادر اوصفلكم حب الناس لتامر أد أيه
و كلهم حاولوا يتصوروا مع تامر و فضلوا يشدوا فيه
و هو خلى الكل يتصور معاه و مزعلش حد خالص
كل اللى كان فى الفرح اتصور مع تامر و كله روح مبسوط و بيدعى لتامر
و الناس قالت ان تامر عكس الكلام اللى الناس بتقوله عليه انه مغرور
و الله يا جماعة تامر مش مغرور تامر كان بدأ يتحرك بعربيته
فى واحد قاله يا تامر نفسى اتصور معاك قام تامر وقف العربية
و نزل و اتصور معاه و وفى سيدة كبيرة فى السن
قالت لتامر تعالى لى فى حته فاضية اتصور معاك
و اخدته من ايديه و اتصورت معاه



و خلص اليوم بسلام و كنا مبسوطين و فرحانين


edit By : KinGawY




و ديت كام صورة كده من الفرح