تامر حسني يتحرش بالراقصة"لوسي"عالمسرح >> يا تامر يا قليل الادب

الخبر الجميل دة نزل على الجريده الكبيره والعظيمه والمحترمه جريده البشاير النهارده الصبح بجد مش عارف اقول ايه

لما جريده زى ديه تكتب وتقول كلام زى دة المفروض ان احنا نصدق وناخد الكلام ثقه لكن لما تكدب وتبقى مصدر للكدب والاشاعات يبقى ايه الحال؟؟

حاجه زى ديه لما تنزل يبقى مالهاش غير تفسيرين مالهومش تالت يا اما الجريده ديه مش عارفه تشغل صحفيين بجد

والصحفيين اللى فيها مالهومش مصادر موثوق منها وديه بقى تبقى مصيبه سوده جريده مالهاش مصادر موثوق منها يعنى تروح تفتح المبنى بتاعها مطعم بقى احسن يا اما الجريده ديه بيدفعها فلوس من فنان معين بدون ذكر اسماء طبعا

ورئيس التحرير بتاعها ممشيها مصالح وديه تبقى مصيبتين مش مصيبه واحده يعنى المفروض رئيس التحرير دة يتسحب منه الكارنيه بتاعه هو والصحفى المحترم اللى عمل كدةوانا عن نفسى ارجح لحكايه التانيه ديه لان اللى حصل دة تهريج وقله ادب

اللى حصل وبكل بساطه ان الفنانه الكبيره والعظيمه لوسى كانت فى حفله افتتاح قناه بانوراما اللى كنا معزومين عليها من تامر

وروحنا وكالعاده تامر بيعرف كويس اوى يخلى الحفله تبقى ناجحه وغنى اغانى قديمه لـ عدويه ولـ عبد الحليم حافظ

جيه وغنى اغنيه يا بنت السلطان الشهيره للفنان محمد عدويه فـ اغنيه زى ديه رقصت كل الحفله فـ جت الفنانه لوسى زيها زى اى فنانه تانيه عملت كدة فى الحفله يوميها

وطلعت لى الستيدج ورقصت مع تامر لا كانت لابسه بدلت رقص ولا كانت بترقص رقص خليع رقصت لمده 20 ثانيه بالضبط

وباقى الدقيقه واقفه مع تامر بتغنى وفرحانه وبعدين خلصت الاغنيه وراحت نازله من على الستيدج بكل ادب واحترام

تامر ماغناش معاها اغنيه هى ديه ولا اتحرش بيها ولا بص على مناطق خليعه ولا اى حاجه من ديه نيجى بقى لتانى حاجه

الحته بتاعت


اقتباس:
حاول تامر أن يخرج من الموقف المحرج الذي وضع نفسه فيه بـ"إفيه" حيث توقف عن الغناء بعد كلمة "أكتر حاجة شدتني ليكي"، وأشار بالميكروفون للجمهور الذي أشار إلى لوسي وقال "هيّ دي"، فما كان منه إلا أنه قال للجمهور "عيب مش كده".

الحته ديه بالذات اكتر حاجه ضحكتنى فى الموضوع عارفين ليه؟ لان الحته ديه بيتكلموا فيها عنى انا شخصيا

تامر سألنا نغنى ايه تانى فـ انا كنت من اول الحفله عمال اقوله هى ديه وبتاع المهم جيه غناها فـ لاقانى مبسوط وبرقص راح جيه ادانى المايك فى الحته اللى المفروض يقول فيها هىديه

فـ انا قولتها راح قالى عيب مش كدة يابنى وضحكنا كلنا والموضوع عدى بـ هزار ومحدش قال اى حاجه من الكلام اللى حصل دة

والكلام دة انا مش بقوله كدة من عندى لان بكره ممكن يقولوا دول كدابين لكن انا كلامى بـ فيديو لـ لوسى وهى على الستيدج

انا بنفسى اللى مصوره علشان الجريده المحترمه تشوف بالفيديو مش كلام وخلاص احنا لا بتوع كلام ولا بتوع تأليف


https://www.youtube.com/watch?v=DGtK98wdZp4

يااااه دة تامر دة قليل الادب اوى شوفتوا عمل ايه مع لوسى على الستيدج يا جماعه

كلمه اخيره لـ جريده البشاير والصحفى المحترم اللى كتب الكلام دة هو ورئيس التحرير اللى وافق اساسا على نزور خبر هو مش متاكد منه

انتوا ماتستحقوش ان انتوا تبقوا مسئولين عن مهنه زى مهنه الصحافه مهنه الصحافه اللى بقالها مئات السنين مصدر ثقه قدام الناس

انتوا اللى بتبوظوها وانتوا اللى بتخربوها بسبب مصالحكوا الشخصيه مع فنانين تانين وتامر فنان محترم غصب عن اى حد

ولا انتوا ولا اى حد زيكوا هيقدر يهز صوره تامر قدام جمهوره وقدام الناس ومش هيكفينا اعتذار ولا هيكفينا اى حاجه تكتبوها بعدين

الا سمعه وكرامه تامر لا هسمح ليكوا لوا لـ مليون جريده زيكوا يتكلموا عن تامر بـ الطريقه ديه لان هو فنان محترم وبيعرف يحترم جمهوره كويس

ولانه فنان محترم عمره ما هيرد عليكوا ولا هينزل لمستواكوا علشان يكدب خبر احنا موجودين هنا علشان كدة وانا موجود هنا علشان كدة

انتوا اساسا جريده منسيه محدش بيقراها وانتوا عارفين كدة وعارفين برده لما اسم تامر يتجاب بـ الطريقه ديه هتتعرفوا ازاى ومشاكلكوا القديمه ماشاء الله تاريخ كبير من الكدب والاشاعات

كلامى خلص ورسالتى انا متاكد انها وصلت واتشافت لـ اللى انا عايزهم يشووفوها